Shpëtohen me helikopter tre barinj shqiptarë

Barinjtë kishin mbetur të ngujuar pas reshjeve të pandërprera të borës. Policia shpëtoi barinjtë, por edhe 400 bagëtinë e tyre që ishin në një stan të malësisë së Përmetit

Është detyruar të intervenojë policia e Shtetit me një helikopter, për t’i shpëtuar tre barinj shqiptarë të cilit kishin mbetur të ngujuar për tri ditë në malësinë e Nemërçkës, në rajonin e Përmetit në jug të Shqipërisë. Policia ka marrë njërin nga barinjtë ndërsa dy të tjerët dhe bagëtinë i ka furnizuar me ushqime.

Barinjtë shqiptarë kishin mbetur të ngujuar në mal, pas reshjeve të pandërprera të borës dhe në pamundësi që atyre t’u ofrohet ndihma nëpërmjet rrugëve malore.

Polica e Shqipërisë, sipas medieve në Tiranë, ka bërë një ulje të rrezikshme për ta marrë njërin nga barinjtë, i cili ka qenë në gjendje të rëndë shëndetësore. “Ai është dërguar menjëherë për mjekim në qendrën mjekësore në Çarshovë”, thuhet në njoftim, raportin BW.

Të afërmit e barinjve të ngujuar, por edhe pronari i stanit kanë apeluan për një ndërhyrje nga ajri, me qëllim shpëtimin e tyre. Mundësia e vetme e shpëtimit, sipas pronarit të stanit është që të kalojnë nga Greqia.

“Tri ekspeditat për shpëtimin e tyre kishin dështuan, presim me padurim një ndërhyrje nga ajri, që të mund t’ju çohet ushqim dhe të shpëtohen”, tha pronari i stanit, Elton Caci.

Pak orë pas apelit, nga Tirana u nis edhe helikopteri i Ministrisë së Brendshme, i cili ofroi asistencë për barinjtë dhe bagëtinë.

Sipas pronarët, në stan gjenden 400 krerë bagëti, ndërkohë që trashësia e borës në mal shkon deri në 1 metër.