Shqetësimi i belgëve me Kosovën në UEFA mban emrin Januzaj!

Pranimi i Kosovës në UEFA po bën bujë në mediat evropiane, veçanërisht në shtetet  ku futbollistët më prejardhje kosovare mbrojnë ngjyrat e përfaqësueseve të tyre. Pas gazetës zvicerane “Blick” e cila ka filluar një fushatë kundër futbollistëve kosovarë, “drithërima” i ka rrokur edhe mediet belge. Gazeta norvegjeze sport.be shkruan se nga e marta edhe Adnan Januzaj mund të zgjedh të luaj për përfaqësuesen e Kosovës.

“Me një anëtarësim të Kosovës në UEFA, përveç mundësisë për gara ndërkombëtare, një fakt vendimtar është ku shumë lojtarë të cilët luajnë nëpër Evropë kanë shansin të zgjedhin për të luajtur për përfaqësuesen e Kosovës. Ky mund të jetë një rast shumë i mirë edhe për Januzajn, i cili zyrtarisht ka luajtur për Belgjikën, por megjithatë ende mund të zgjedhë për Kosovën”, përcjell “albinfo.ch”.

Januzaj për kampionatin botëror në Brazil, zgjodhi të luaj për përfaqësuesen e Belgjikës duke mos pranuar të luaj për Shqipërinë. Por paraqitja e tij në kampionat nuk la shumë përshtypje.

Gazeta shkruan se pas një sezoni debutues të shkëlqyer të Januzajt të Mançester Junajti, dy vitet e fundit ai ka pasur rënie drastike. Futobllisti kosovar u huazua për një kohë të klubi gjerman Borussia Dortmund, ku as aty nuk arriti të tregoj talentin e tij. Që nga janari Januzaj është kthyer në Mançester, dhe ende po ka vështirësi të gjej vend për të luajtur. Si duket shanset e tij për të luajtur në ekipin e trajnerit Marc Wilmots janë zero.