Shqiptarët sërish në formacionin e javës në Zvicër

Një gol, një asistim dhe një aksion për të ralizuar gol, në të cilin ishte protagonist kryesor, Armando Sadiku.

Ky i fundit shkëlqeu në fitoren 3-0, që Vaduzi e realizoi përballë St. Galenit.

Kjo paraqitje fantastike e sulmuesit shqiptar, bëri që ai të jetë pjesë në formacionin më të mirë të javës së 27-të të Superligës zvicerane.

Këtë vlerësim e ka bërë gazeta “Blick”, e cila sistematikisht publikon ekipin që shkëlqen në çdo javë në elitën e futbollit zviceran.

Përveç Sadikut i cili aktualisht është sulmuesi më në formë i kombëtares shqiptare, në formacionin e kësaj jave bën pjesë edhe Taulant Xhaka. Ai tregoi kualitet të lartë në mesfushë në ndeshjen që ekipi i tij, Bazeli u nda më rezultat 2-2 përball FC Zurih.

Në top 11-shën e më të mirëve të kësaj jave në elitën e futbollit zviceran, bën pjesë edhe mbrojtësi deçanas, Florent Hadergjonaj.

Skuadra e mbrojtësit shqiptar “Young Boys” ka mposhtur me rezultat 7-0 ekipin e Luganos.

Mbrojtësi shqiptar ishte ndër më meritorët e kësaj fitore duke dhënë një asistim por nisi edhe dy aksione të tjera për bashkëlojtarët tjerë të cilët shënuan për “Young Boys”.

Albinfo.ch