Shteti po ka probleme me sistemimin e zëvendësministrave

Përveç shpenzimeve të mëdha që po i shkaktojnë buxhetit të shtetit zëvendësministrat, e që për një vit shpenzojnë 996 mijë euro ata janë bërë problem edhe për sistemim, pasi shumë ministri janë detyruar të thyejnë edhe zyra për t’ju bërë vend.

Ministria e Mjedisit, që ka më së shumti zëvendësministra, hall të madh ka pasur si t’u gjejë zyra të gjithëve, raporton KTV.

Zyra e Kryeministrit ka thënë se janë emëruar 70 zëvendësministra, përcjell albinfo.ch.

Derisa javë më parë kryeministri i Kosovës, Ramush Haradinaj kishte kërkuar llogari nga zëvendësministrat, jo të gjithë prej tyre kishin marrë pjesë në atë takim.

70 zëvendësministrat e qeverisë Haradinaj i kushtojnë buxhetit të shtetit 80 mijë e 500 euro në muaj. Ndërsa, për një vit, vetëm për paga, buxhetit të shtetit i kushtojnë 966 mijë euro.

AAK-ja prinë me 15 zëvendësministra, PDK-ja ka 14, Nisma 12, AKR-ja 8, Lista Serbe 6 dhe minoritetet e tjera 12 zëvendësministra. Ndërsa, tre zëvendësministra janë emëruar pa qenë pjesë e ndonjë partie politike.