Shuhet profesor Isa Bajçinca

I lindur në vitin 1940 në Bardh të Madh të Fushë Kosovës, Bajçnica ishte profesori më i dalluar i gjuhë dhe ish pjesëmarrës në Kongresin e drejtshkrimit në Tiranë

Në moshën 75 vjeçar, sot në Prishtinë ka vdekur profesori i njohur i Fakultetit të Filologjisë, departament i Gjuhës Shqipe Isa Bajçinca. I lindur në vitin 1940 në Bardh të Madh të Fushë Kosovës, Bajçnica ishte profesori më i dalluar i gjuhë dhe ish pjesëmarrës në Kongresin e Drejtshkrimit në Tiranë më 1972.

Lajmin për vdekjen e profesori t e dha familja e të ndjeri Bajçinca. “Me pikëllim të thellë njoftojmë farefisin, miqtë, dashamirët dhe kolegët se sot, me datë 29 dhjetor 2015, ndërroi jetë Prof. Isa Bajçinca “, thuhet në njoftimin familjes Bajçinca.

Për të kujtuar veprimtarinë në fushën e albanologjisë, nesër më 30 dhjetor në orën 12:00, në Fakultetin e Filologjisë në Universitetin e Prishtinës do të mbahet mbledhje komemorative.  Ndërkaq varrimi i profesor Bajçincës bëhet po nesër në orën 15:30, në vendlindjen e tij, në Bardh të Madh.

Isa Bajçinca është njohur nga studentët dhe kolegët si profesor shumë rigoroz. Ai ka ligjëruar lëndën Kultura e Gjuhës si dhe Sintaksën e Gjuhës Shqipe. Ka qenë autorë e bashkautorë i shumë librave shkollorë. Ai ishte gardiani më i fuqishëm i gjuhës së unisuar shqipe.