Shumë fluturime nga Gjermania drejt Zvicrës janë anuluar

Grevat gjermane pengojnë udhëtimet edhe sot

Për shkak të një greve të stafit të sigurisë në disa aeroporte gjermane, linja ajrore SWISS ka anuluar pesë fluturime nga Hamburgu në Cyrih dhe një fluturim nga Hamburgu në Gjenevë.

Gjithashtu, janë anuluar edhe dy fluturime dalëse dhe dy kthime për në Cyrih nga Dyseldorfi.

Pasagjerët e prenotuar në cilindo prej fluturimeve të prekura mund të rezervojnë sërish për një ditë tjetër pa pagesë.

Një grevë paralele e punonjësve të kompanive hekurudhore gjermane mëngjesin e sotëm do të ndërpresë edhe trafikun e trenave.

Ende nuk dihet ndikimi në Zvicër, por SBB po planifikon të zëvendësojë trenat e Deutsche Bahn me ata zviceranë në kufi.

---