Shumica e pensionistëve zviceranë jetojnë mirë

Mesatarisht, pensionistët në Zvicër kanë të ardhura më të ulëta se njerëzit në moshë pune, por ata kanë më shumë pasuri të akumuluar,

Mësohet se mesatarisht pensionistët në Zvicër kanë të ardhura më të ulëta se njerëzit në moshë pune, por ata kanë më shumë pasuri të akumuluar, sipas një raporti të ri të titulluar “Varfëria tek të moshuarit” nga Zyra Federale e Statistikave (FSO), përcjell albinfo.ch.

Shumë pensionistë kanë pasuri të konsiderueshme, me të paktën gjysma e atyre mbi moshën 65 vjeç që jetojnë në një familje me më shumë se 100,000 franga aktive likuide. Një analizë e kryer nga Zyra Federale e Sigurimeve Shoqërore tregon se vlera mesatare neto e kësaj popullsie është rreth një çerek milioni franga – që do të thotë se gjysma kanë më shumë dhe gjysma tjetër më pak.

“Parimi i tri shtyllave të sigurimit të pensionit funksionon mirë për një pjesë të madhe të pensionistëve”, tha Peter Burri Follath, zëdhënës i organizatës Pro Senectute Switzerland.

Nga ana tjetër, rreth 10 për qind e pensionistëve jetojnë më modest dhe nuk mund të përballojnë një shpenzim të papritur prej 2500 frangash në harkun e një muaji.

---