Solothurni, 73 për qind kundër të drejtës së të huajve për të votuar

Nisma kërkonte që komunave t'u jepej autoriteti për të vendosur për votimin e personave me leje qëndrimi të përhershëm ("Viza C")

Në kantonin Solothurn, qytetarët me të drejtë vote kanë refuzuar qartë të drejtën opsionale të të huajve për të votuar në nivelin komunal, raporton srf.ch.

Ata kanë hedhur poshtë nismën e eksponentëve nga Partia Socialdemokrate (SP) dhe të Gjelbrit për futjen e së drejtës së votës për të huajt, transmeton albinfo.ch.  Refuzimi i kësaj të drejte është bërë në një masë mjaft bindëse: 73 për qind të votuesve kanë votuar kundër. Pjesa për Po  ka qenë 27 për qind.

Nisma, nëse do të votohej, synonte të ndryshonte kushtetutën. Me atë ndryshim, komunave do t’u jepej autoriteti për të qenë në gjendje të vendosin për pjesëmarrjen (votimin) e personave me leje qëndrimi të përhershëm (“Viza C”).

Parlamenti i kantonit kishte hedhur poshtë një kërkesë të tillë ndërsa Këshilli qeveritar ishte pro.

---