Sot rivarroset Liridona Ademaj në fshatin e saj të lindjes

Liridona Ademaj do të rivarroset këtë të hënë në fshatin e saj të lindjes, në Rracaj të Gjakovës.

Ajo u vra më 29 nëntor, në rrugën “Dalip Alshiqi”, në Prishtinë, e më vonë janë arrestuar tre të dyshuar për organizimin e vrasjes së saj, ndër ta edhe bashkëshorti i saj, Naim Murseli.

Ademaj ishte varrosur fillimisht në fshatin e bashkëshortit, në Cërmjan, mirëpo pasi familjarëve u është aprovuar kërkesa nga prokuroria për rivarrimin e saj, ajo tani do të rivarroset në Rracaj.