Spanja ia ndalon hyrjen poetes Edi Shukriu

Edi Shukriut nuk i është lejuar pjesëmarrjanë një festival të poezisë në Toledo për shkak se shteti i Spanjës nuk e njeh atë të Kosovës

Festivali i Poezisë, Voix Vives, që këtë vit do të mbahet në qytetin e Toledos, ka dalë me një komunikatë për media, ku kritikohen autoritetet që ua kanë ndaluar hyrjen dy poetëve.

Bëhet fjalë për poeten kosovare, Edi Shukriu dhe poetin egjiptian Amgad Ryan. Të dy kishin planifikuar të marrin pjesë në këtë ngjarje ndërkombëtare.

Edi Shukriut nuk i është lejuar pjesëmarrja për shkak se shteti i Spanjës nuk e njeh atë të Kosovës, dhe me këtë problem ballafaqohen edhe shtetasit tjerë kosovarë, kurse poetit egjiptian për shkak të qëndrimeve të tij.

Edhe pse i është dërguar një letër ambasadës spanjolle nga qyteti i Toledos, kërkesa nuk është marrë parasysh. Organizatorët e dënojnë këtë akt, që është sulm mbi kulturën dhe lirinë e shprehjes nga shtetit spanjoll, duke mohuar hyrjen në Spanjë, të këtyre dy poetëve në edicionin e katërt të festivalit ndërkombëtar të poetëve.