Stopohet blerja e ambasadave të Kosovës në Washington e Bruksel

Auditori Gjeneral ka stopuar procesin e negociatave për blerjen e ambasadave në Washington dhe në Bruksel për shkak të gjetjes së parregullsive. Ndërsa Ministria e Punëve të Jashtme thotë se tashmë është finalizuar marrëveshja për blerjen e këtyre dy ambasadave.

Mosmarrëveshjet midis Komisionit Ndërqeveritar për blerjen e ambasadave dhe Zyrës së Prokurimit të Ministrisë së Punëve të Brendshme janë ndërprerë nga Auditori Gjeneral, njofton RTK.

Zëvendësdrejtori i Auditorit Gjeneral, Qerkin Morina tha se Komisioni Ndërqeveritar ka bërë shkelje kur nuk ka përfshirë në negociatat milionëshe edhe Zyrën e Prokurimit të Ministrisë së Punëve të Jashtme.

Kohë më parë shefi i prokurimit i Ministrisë së Punëve të Jashtme kishte bllokuar nënshkrimin e kontratave për blerjen e ndërtesave ku do të vendosen ambasadat e Kosovës në Washington, Bruksel, Londër dhe Paris. Ndërsa, vetë Komisioni Ndërqeveritar dhe krerët e Ministrisë së Punëve të Jashtme insistonin që kontratat të nënshkruheshin patjetër.

Ndërkohë, në Ministrinë e Punëve të Jashtme bëjnë me dije se kjo Ministri tanimë ka vendosur për blerjen e ambasadave në Washington dhe Bruksel. Këtë e konfirmon edhe ish -zëvendësministrja e jashtme, Vlora Çitaku, e cila thotë se tani më është tejkaluar ky problem midis Komisionit Ndërqeveritar për blerjen e ambasadave dhe Zyrës së Prokurimi të Ministrisë së Jashtme.Auditorit Gjeneral, Qerkin Morina.