Strakosha e zëvendëson Berishën

Etrit Berisha ndodhet pranë largimit nga klubi i Lazios në Serinë A. Një ditë më parë agjenti i tij Frederico Pastorelo tha se ishte në bisedime për kalimin te Palermo, pasi ai nuk po gjente hapësirat e duhura me skuadrën, shkruan albinfo.ch.

Mediat italiane kanë publikuar edhe listën e 23 futbollistëve që trajneri Simone Inzaghi ka thirrur ndaj Juventusit.

Lazio pritet të luajë sot (ora 18:30) në “Olimpico” takimin e vlefshëm për Javën e dytë të Serisë A ndaj bardhezinjve dhe mes futbollistëve mungon emri i Berishës.

Tre portierët e thirrur nga trajneri janë Marchetti, Strakosha dhe Vargiq. Vendin e Berishës duket se e ka zënë i riu Thomas Strakosha, pasi edhe në ndeshjet e kaluara gardiani i kuqezinjve nuk ka pasur rolin e titullarit në formacion. Ndërsa është aktivizuar kryesisht në Kupën e Italisë dhe në miqësore.