Sport

Supergoli i Lenjanit shpëton Tramezzanin (video)

Ermir Lenjani ka shënuar një super gol ndaj Luganos në udhëtim. Ai realizoi nga ana e majtë me një gjuajte të fortë nga largësia

E premte, 22 Shtator 2017 - 9:00 albinfo.ch

Foto nga Facebook

Trajneri i Sionit, Paolo Tramezzani ishte afër shkarkimit për shkak të rezultateve negative në ndeshjet e fundit, shkruan albinfo.ch.

Megjithatë, për ta shpëtuar trajnerin italian, ish-ndihmësin e Kombëtares shqiptare është përkujdesur futbollisti shqiptar Ermir Lenjani, me një supergol.

Sioni fitoi 2:1 ndaj Luganos në udhëtim, ku golin e dytë e realizoi Lenjani në minutën e 74-t. Për Sionin në këtë ndeshje u aktivizuan edhe dyshja shqiptare Burim Kukeli dhe Pajtim Kasami.

Me fitoren e fundit Sionit është ngritur në vendin e pestë në renditje, me 11 pikë në 8 ndeshje.

http://www.dailymotion.com/video/x61ietp