Taulanti fitoren ia kushton Granitit

Pas ndeshjes me Benficën mesfushori i Baselit, Taulanti është shprehur i lumtur me fitoren, që ia ka dedikuar Granitit, i cili mbushi 24 vjet

Vëllezërit Xhaka janë shumë të lidhur njëri me tjetrin. Basel të mërkurën mbrëma shënoi fitore të madhe, duke mundur Benficën me rezultat 5:0, shkruan albinfo.ch.

Pas ndeshjes mesfushori i Baselit, Taulanti është shprehur i lumtur me fitoren, që ia ka dedikuar Granitit, i cili mbushi 24 vjet. Edhe Graniti ka qenë pjesë e Baselit, derisa tashmë luan me sukses në skuadrën e Arsenalit.

Taulanti ka bërë një paraqitje shumë të mirë kundër Benficës dhe është notuar me notën 6 nga ‘Blick’, ashtu si edhe shumica e lojtarëve të Baselit, të cilët kanë qenë fantastikë në këtë ndeshje.

Tashmë Basel ka tri pikë në grupet e Ligës së Kampionëve, derisa në ndeshjen e ardhshme do të përballet me CSKA Moskën.