Tefik Bajrami mbron titullin e Kampionit Evropian WBU

Ai do të boksojë për të mbrojtur titullin e Kampionit Evropian në versionin WBU, të fituar më 3 tetor në luftën kundër hungarezit Attila Makula

Tefik Bajrami ose «Uragani Shqiptar», Kampion Evropian në boks, më 3 prill në Lucern të Zvicrës do të ketë ndeshjen e tij të radhës. Ai do të boksojë për të mbrojtur titullin e Kampionit Evropian në versionin WBU, të fituar më 3 tetor në luftën kundër hungarezit Attila Makula, të mbajtur në Podujevë, vendlindjen e boksierit.

«Uragani shqiptar» ka deri tash gjithsej 10 ndeshje të zhvilluara në boksin profesionist, 9 nga të cilat i ka fituar dhe 6 me nokaut.

Uragani shqiptar është në formën shumë të mirë dhe dalngadal bëhet gati për sfidën e radhes. Kundërshtari akoma nuk është bërë i njohur nga Federata WBU.

Duhet të ceket se Tefik Bajrami përpara ka qenë karateist (një herë Kampion i dhe njëherë Nënkampion i Evropës), pastaj Kampion i Zvicrës dhe i botës në tajboks amator, për të kaluar pastaj në boksin amator kur mbas 3 ndeshjeve bëhet kampion zviceran.