Tenisti i vogël Artan Sadriji, ndonëse i lënduar, del i dyti

Artan Sadriji, tenisti i vogël me perspektivë nga Spreitenbach-u i kantonit Aargau po vazhdon rrugën e sukseseve. Në kampionatin e këtij kantoni, për të gjitha kategoritë e reja, të mbajtur ditë më parë, Artani, ndonëse i lënduar, ka zënë vendin e dytë. Ai llogaritej favoriti kryesor në kategorinë nën 14 vjet edhe nga njohësit e këtij sporti në Aargau, dhe për këtë ka shkruar gazeta «Aargauer Zeitung».

Pas Artanit, favoriti numër dy konsiderohej Denis Plüss, por ai në finale megjithatë fitoi, në një lojë pothuajse të barabartë me Artanin, njofton albinfo.ch.

Në garën në këtë kategori kanë marrë pjesë 28 tenistë.

Tenisti i ri me prejardhje nga Gjilani do të shkojë së shpejti në Barcelonë, Spanjë, ku ka siguruar vendin për të ushtruar një javë në Akademinë 4 Slam, një institucion prestigjioz i tenisit, në të cilin kanë ushtruar tenistët më të mëdhenj në botë, në mesin e të cilëve edhe Nadal.