Thaçi i bashkohet “Paradës së Krenarisë”

Presidenti i Kosovës, Hashim Thaçi, i është bashkuar “Paradës së Krenarisë” që ka nisur pak më herët në kryeqytet.

Thaçi ka shprehur përkrahjen institucionale për komunitetin LGBTI.

“Jam këtu për të shprehur përkrahje për komunitetin LGBTI dhe për të konfirmuar që të gjitha komunitetet në Kosovë janë të barabarta. Se shteti dhe shoqëria janë ndërtuar në principet për liri dhe të drejta të barabarta për të gjithë”, ka thënë Thaçi, duke shtuar se nuk do të lejohet dhuna apo kërcënimi i këtij komuniteti, përcjell albinfo.ch.

Presidenti i Kosovës ka qëndruar pak minuta në sheshin “Skëndërbeu”, deri në momentin kur ka nisur ecja në drejtim të sheshit “Zahir Pajaziti”.

Pjesëmarrëse në “Paradën e Krenarisë” ishte edhe ministrja e Integrimeve, Dhurata Hoxha.