Thaçi gradon gjeneralët e FSK-së

Presidenti i Kosovës, Hashim Thaçi, ka graduar pjesëtarë të Forcës së Sigurisë së Kosovës, në mes të cilëve edhe Bashkim Jasharin, i cili nga grada gjeneral major, është graduar në gjeneral brigade.

Me të njëjtën gradë është graduar edhe gjenerali Zymer Halimi, ndërsa gjeneral brigade, Enver Cikaqi është emëruar komandant i Forcave Tokësore dhe zëvendëskomandant i Forcës së Sigurisë të Kosovës, përcjell albinfo.ch.

Thaçi po ashtu ka miratuar promovimin e pesë kolonelëve në gjeneral brigade.

Presidenti Thaçi ka deklaruar se këto gradime po bëhen pas rritjes, zhvillimit dhe modernizimit të Forcës së Sigurisë së Kosovës, e cila tha se është e gatshme për të marrë përgjegjësitë e veta.

“Bashkë me pjesëtarët e tjerë të FSK-së, jam i bindur se të posa-graduarit do të punojnë që ushtrinë tonë ta integrojnë edhe në NATO dhe do të kontribuojnë në ruajtjen e stabilitetit dhe paqes në rajon dhe më gjerë”, ka thënë Thaçi.