Thaçi: Raporti i Martyt, sulm kundër dialogut

Kryeministri i Kosovës, Hashim Thaçi, ka paralajmëruar se raporti i Këshillit të Evropës që e lidh atë më trafikimin e organeve njerëzore, e rrezikon dialogun e ardhshëm mes Prishtinës dhe Beogradit. “Raporti i Martit është një sulm kundër dialogut Kosovë-Serbi”, ka thënë Thaçi për agjencinë France Press, transmeton RFE.

Megjithëkëtë, Thaçi tha se ai është i përkushtuar që të marrë pjesë në bisedimet me Serbinë. “E kam shprehur gatishmërinë që të takohem me presidentin e Serbisë, Boris Tadic si dy liderët më legjitimë të shteteve tona”, ka thënë Thaçi.