Tifozët kuqezi do të përkrahin kuqezinjtë në Spanjë

Ky grupim i tifozëve ka njoftuar se do të përkrahin kuqezinjtë edhe në përballjen ndaj spanjollëve, derisa të interesuarit duhet të lajmërohen deri më 28 shtator

Tifozët kuqezi gjithmonë kanë përkrahur Kombëtaren shqiptare dhe kështu do të bëjnë edhe për ndeshjen ndaj Spanjës, që luhet më 6 tetor, shkruan albinfo.ch.

Ky grupim i tifozëve ka njoftuar se do të përkrahin kuqezinjtë edhe në përballjen ndaj spanjollëve, derisa të interesuarit duhet të lajmërohen deri më 28 shtator.

“Të dashur tifozë, pas transfertës në FYROM, TKZ do vazhdojë rrugëtimin e saj drejt Spanjës në mbështetjen e pakushtëzuar ndaj Kombëtares tonë. Për këtë arsye, ju njoftojmë që kemi filluar rezervimet për këtë ndeshje. Për më shumë informacione nxitoni të kontaktoni përfaqësuesin e rrethit apo shtetit ku jetoni. Afati i fundit për rezervim: 28 Shtator! Ndeshja luhet më 6 tetor 2017, nga ora 20.45 në stadiumin ‘Estadio Jose Rico Perez’, Alicante. E përjetshme është Shqipëria!”, shkruhet në postimin e grupimit.

Për dallim nga ndeshjet si vendas, tifozët “Kuq e Zi”, janë në bojkot kur Shqipëria luan si vendas për shkak se janë të pakënaqur me trajtimin e policëve.