Tollovi për pasaporta, zyrat e hapura dhe të shtunën

Ardhja e mërgimtarëve në Shqipëri për t’i kaluar pushimet, ka krijuar tollovi të mëdha nëpër qendrat për nxjerrjen e pasaportave shqiptare. Për të evituar kaosin, Ministria e Punëve të Brendshme ka marrë vendim që të punohet me orar shtesë, përshirë edhe ditën e shtunë.

Sipas një njoftimi të MPB-së, në 15 qytete në gjithë vendin; Berat, Durrës, Elbasan, Fier, Gjirokastër, Kavajë, Korçë, Kukës, Lezhë, Lushnjë, Peshkopi, Sarandë, Shkodër, Tirandë dhe Vlorë, do të jenë të hapura qendrat për pasaporta edhe ditën e shtunë, më datë 22 gusht.

“Shërbimi në këto zyra gjatë së shtunës do të ofrohen nga ora 08:30 deri në mesditë, por do të qëndrojnë të hapura deri në mbarimin e qytetarit të fundit që do të jetë në sportel pas kësaj ore”, thuhet në njoftim raporton NOA.

MPB shton më tej se kjo masë do të vijojë edhe për fundjavat e ardhshme, për të përballur fluksin e kërkesave për pajisjen me pasaporta, me ardhjen e emigrantëve në këtë periudhë të vitit. Po ashtu në Shqipëri është evituar edhe një gabim në vazhdimin e afatit të pasaportave për të rinjtë, nga 12 sa është shkruar në 5 vjet. Edhe ky gabim duhet të përmirësohet.