Vdes deputeti zviceran Otto Ineichen

Deputeti nacional i FDP-së nga Lucerni, Otto Ineichen, ka vdekur papritmas këtë mëngjes në Sursee pas një infarkti në zemër.

Sipas prokurorit në Luzern, Oto Ineichen ka ndërruar jetë menjëherë pas orës 8, në njërën prej rrugëve të qytetit. Punonjësit e një zyre afër kishin bërë përpjekje për t’i ndihmuar.

Por, të gjitha përpjekjet për ta shpëtuar ishin të pasuksesshme.

Otto Ineichen të premten do ta festonte ditëlindjen e 71-të. Ineichen ishte i martuar dhe baba i katër fëmijëve. Ai u bë i njohur si themeluesi i dyqaneve të njohura Otto’s..

Politikani nga Lucerni ishte i përfshirë në shoqata të ndryshme dhe në veçanti në ato që promovojnë trajnimin e të rinjve.