Lifestyle
Vdes Toni Morrison, shkrimtarja afro-amerikane që fitoi Nobelin
Ajo ishte 88 vjeçare

Toni Morrison, Nobelistja e vitit 1993 në letërsi, vepra e së cilës hulumtoi identitetin e afro-amerikanëve në Amerikë, në veçanti eksperiencën e grave me ngjyrë, ka vdekur të hënën në qendrën mjekësore në Montefiore të New Yorkut, njoftoi botuesi i saj Alfred Knopf.
Ajo ishte 88-vjeçare.
Morrison ishte gruaja e parë afro-amerikane që fitoi Çmimin Nobel në Letërsi. Ajo ishte autore e 11 romaneve, librave për fëmijë dhe koleksioneve të eseve.
Në mesin e tyre përmenden veprat si “Song of Solomon”, me të cilën fitoi Çmimin National Book Critics Circle Award në vitin 1977, dhe “Beloved” me të cilën fitoi Çmimin Pulitzer në vitin 1988.
Morrison ishte një nga autorët e rrallë amerikanë, librat e së cilës ishin të suksesshme në tregun komercial dhe atë kritik. Romanet e saj u listuan rregullisht në gazetën New York Times, në shtojcën e librave më të shitur dhe ishin shfaqur shumë herë në klubin e librave të Oprah Winfrey dhe ishin subjekt i studimeve kritike. Ajo ishte një anëtare e fakultetit Princeton për një kohë të gjatë dhe ligjëratat e saj ishin shfaqur shpesh edhe në televizion.
Kur iu nda Çmimi Nobel Morrisonit, Akademia suedeze dha këtë arsyetim: “Romanet karakterizohen nga një forcë vizionare dhe prurje poetike”, përmes së cilës ajo “i jep jetë një aspekti bazik të realitetit amerikan”.
Morrison gjallëroi atë realitet në një stil që nuk i përngjan asnjë poeti tjetër që shkruan në gjuhën angleze. Proza e saj, shpesh e shndritshme dhe e çuditshme, gërshetohet me kadencat e traditës së gojëdhënave të afro-amerikanëve. Intrigat e saj janë ëndërruese dhe jolineare, duke folur për të kaluarën dhe të ardhmen sikur personazhet të sjellin të gjithë peshën e historisë mbi të gjitha veprimet e tyre.
LAJME INTERESANTE NGA INTERNETI
Të ngjashme
Të tjera nga Lifestyle
E-Diaspora
-
Libri i parë në gjuhën gjermane i kosovares, gjendet në 6000 librari në Gjermani Nesa Krasniqi, shqiptarja me prejardhje nga Kosova, botoi librin e saj të parë “DEPP, HUMOR,...
-
Skandal i ri në Austri: Maskat kineze u shiten si prodhime austriake
-
Vjosa Osmani ka përmbyllur vizitën dyditore në Zvicër
-
Mërgimtarët, të pakënaqur me mënyrën e aplikimit për regjistrim
-
Projekt për parandalimin e varshmërisë për komunitetin shqiptar në Vaud dhe Gjenevë
Jeta në Zvicër
-
Qeveria Zvicerane: Nga 15 marsi, teste falas për të gjithë Nga 15 mars, qeveria federale do të marrë përsipër kostot e të gjitha testeve. Kështu ka...
-
Zvicra mbajti një minutë heshtje për mbi 9.000 viktimat e koronavirusit
-
Sa fitojnë mësuesit në Zvicër – dhe ku fitojnë më shumë?
-
Në orën 11.59
Sot Zvicra përkujton me një minutë heshtje viktimat e koronavirusit
-
Si të shmangni mashtrimet me qira në Zvicër