Vdiq “Mixha Ramë”

Fitim Domi (Mixha Ramë) shquhej në opinionin shqiptar të ish-Jugosllavisë si humorist i metaforave, ndërsa gjithmonë kishte për bazë raportet ndëretnike

Fitim Domi i njohur në opinion shqiptar si Mixha Ramë, ka vdekur të dielën mbrëma në Prishtinë në moshën 75 vjeçare. Domi shuhej në opinionin shqiptar të ish-Jugosllavisë si humorist i metaforave, ndërsa gjithmonë kishte për bazë raportet ndëretnike.

Mixha Ramë një kohë të gjatë ka punuar si redaktor përgjegjës i programit humoristik në ish Radio Prishtinë ndërsa kohëve të fundit ishte angazhuar si redaktor në programin kulturo arsimor në Radio Kosovë.

Të afërmit e tij nuk kanë njoftuar lidhur me varrimin.

Fitim Domi ka lindur më 1939 në Tiranë, ndërsa ka luajtur në disa emisione humoristike në Kosovë, përfshirë edhe atë “Qesh e Ngjesh”. Ai ka marrë pjesë në qindra programe festive gjithandej botës, ndërsa një kohë ka jetuar edhe në Shtetet e Bashkuara të Amerikës.

Domi është dalluar edhe si këngëtar i muzikës së lehtë qytetare.