Verona, njëra nga “çikat” tona që po na e zbardhin fytyrën

“Në fund të vitit 2018 unë i vura vetes një qëllim. Punova shumë dhe kurrë nuk u dorëzova. Pas vetëm një viti, sot jam kampione e Zvicrës

Shqiptarët në diasporë vazhdojnë të korrin suksese. ‘Çikat’ tona janë ato që po na zbardhin fytyrën kudo nëpër botë. E fundit dhe më e reja në këtë vargan është Verona Gjinaj nga Kriens-i, Kantoni i Lucernit, e cila javë më parë është shpallur kampione e Zvicrës në tajboks. Verona ka fituar kundër Tiffany Wilend në kategorinë 63 kg. Me këtë ajo është kampionia më e re në Zvicër.

“E dija se do të jetë një kundërshtare e fortë. Ajo ka qenë më e madhe në moshë dhe ka pasur përvojë më shumë se unë, por unë kam punuar dhe jam përgatitur të arrij deri të ky sukses”, thotë Verona Gjinaj duke shtuar: “Në fund të vitit 2018 unë i vura vetes një qëllim. Punova shumë dhe kurrë nuk u dorëzova, si në ditë të mira ashtu dhe në ditë të këqija. Pas vetëm një viti, sot jam kampione e Zvicrës. Do të punoj edhe më shumë në vitin 2020 për suksese të reja”, premton ajo.

Do të garojë për titull botëror

Me këtë fitore, 15-vjeçarja shqiptare ka fituar të drejtën të garojë vitin e ardhshëm në Kanada për titullin botëror në kategorinë WKU.

“Ndonëse është ende e re në moshë, Verona ka një potencial të madh suksesi para vetes. Nëse ajo vazhdon të punojë shumë edhe në të ardhmen, pa dyshim se sukseset e saj do të jenë edhe më të mëdha”, shprehet trajneri i Veronës, kampioni i njohur shqiptar i boksit që jeton në Zvicër, Tefik Bajrami.

Kë falënderon Verona

Përveç trajnerit dhe shkollës së arteve marciale “Bajrami” në Luzern, Verona falënderimet e saj ia drejton edhe familjes së saj për përkrahjen e madhe që i ka dhënë për arritjen e të gjitha sukseseve të deritashme.

“Për ne si familje, por edhe për mua si prind, ky sukses është shumë i madh dhe ndihem të lumtur për arritjet e saj. Urojmë që ajo të na gëzojë me suksese të reja edhe në të ardhmen. Përkrahjen tonë do ta këtë gjithmonë. Por Verona krahas sportit do të na bëjë të lumtur edhe me sukseset në shkollë”, shprehet babai i Veronës, Skender Gjinaj.

Verona është e lindur në Zvicër, ndërsa me prejardhje është nga komuna e Gjakovës. Ajo është nxënëse e shkollës së mesme në Kriens të Luzernit, ndërsa ka dy motra dhe një vëlla. Ajo flet disa gjuhë: shqip, gjermanisht, anglisht, kroatisht dhe pakëz spanjisht.

Por, përse Verona e zgjodhi taiboksin si pasion të saj? “Si fëmijë më kanë pëlqyer gjithmonë sportet luftarake. Mandej u regjistrova në klubin e trajnerit Tefik Bajrami prej të cilit kam mësuar shumë që të arrij suksese”.

 

Çfarë thotë babai i Veronës

“Për ne si familje, por edhe për mua si prind, ky sukses është shumë i madh dhe ndihem e lumtur për arritjet e saj. Urojmë që ajo të na gëzojë me suksese të reja edhe në të ardhmen. Përkrahjen tonë do ta këtë gjithmonë. Por Verona krahas sportit do të na bëjë të lumtur edhe me sukseset në shkollë”, shprehet babai i Veronës, Skender Gjinaj.

Trajneri i Veronës, Tefik Bajrami

Verona ka një potencial të madh suksesi para vetes. Nëse ajo vazhdon të punojë shumë edhe në të ardhmen, pa dyshim se sukseset e saj do të jenë edhe më të mëdha”, shprehet trajneri i Veronës, kampioni i njohur shqiptar i boksit që jeton në Zvicër, Tefik Bajrami.

---