Veseli: Kosova mund të bëhet Zvicra e Ballkanit

Kadri Veseli ka thënë më tej se nuk është vështirë të mbahen premtimet, duke shtuar se Kosova mund të bëhet Zvicra e Ballkanit

Kryetari i Kuvendit të Kosovës, Kadri Veseli, ka vizituar objektin banesor në Stantërg të Mitrovicës, të ndërtuar për 17 familje në nevojë, raporton albinfo.ch.

Ai ka thënë se ndihet më mirë tani, pasi më herët kishte vizituar këto familje, të cilat ishin në një gjendje të rëndë, kurse tani iu është ndërtuar një objekt banesor.

“Këto familje do të vendosen shumë shpejt në banesat e reja, me kushte sipas standardeve evropiane. Për mua ishte lehtësim shpirtëror kur u futa këtu, sepse këto familje i kam vizituar edhe më parë, në ambientet me kushte jashtëzakonisht të renda jetese”, u shpreh i pari i Kuvendit të Kosovës.

Kadri Veseli ka thënë më tej se nuk është vështirë të mbahen premtimet, duke shtuar se Kosova mund të bëhet Zvicra e Ballkanit.