Vetëm 10 për qind kursejnë për pleqëri

Në Shqipëri vetëm 10 për qind e të rriturve kursejnë për moshën e pleqërisë. Kështu thotë Banka Botërore, duke konfirmuar një nga shifrat më të ulëta në botë dhe arsyeja kryesore është mungesa e të ardhurave.

Sipas Top Channel, mungesa e të ardhurave nuk është arsyeja e vetme pse shqiptarët nuk heqin para mënjanë për moshën e pleqërisë.

Por, përtej arsyeve, e sigurt është se vitet ikin shpejt. Dhe, kur vjen koha e pensionit, mbetet vetëm një burim të ardhurash, pensioni shtetit, i cili nuk mjafton asnjëherë.

Shumë vende në botë po përballen me kriza të sistemeve shtetërore të pensionit për shkak të plakjes së popullsisë, rënies së lindshmërisë dhe krizave fiskale. Disa prej tyre janë detyruar të marrin masa drastike, duke ulur pagesat për të moshuarit ose duke rritur moshën e daljes në pension. Shqipëria përballet me të njëjtën sfidë, kështu që të kursesh për moshën e pensionit nuk është asnjëherë ide e keqe.