Vetëvendosja falënderon diasporën për mbështetjen

“Mbështetjen do t’ua kthejmë me shërbim e përfaqësim dinjitoz”

Është bërë e ditur se Lëvizja Vetëvendosje siguroi edhe një ulëse në Kuvendin e Kosovës, pas numërimit të rreth 2 mijë votave të ardhura nga diaspora.

1806 vota që kanë ardhur nga diaspora, me vendim të Gjykatës Supreme, shumica e tyre janë llogaritur për Lëvizjen Vetëvendosje.

Deputetja e Lëvizjes Vetëvendosje, Albulena Haxhiu, ka falënderuar qytetarët e Kosovës nga diaspora pas sigurimit të mandatit të 32-të në Kuvend të Lëvizjes Vetëvendosje.

Haxhiu ka thënë se diasporës “mbështetjen do t’ua kthejmë me shërbim e përfaqësim dinjitoz”.

“32 deputetë do ta përbëjnë grupin parlamentar të Lëvizjes Vetëvendosje. Faleminderit përzemërsisht për mbështetjen qytetarë të dashur që jetoni në Kosovë dhe ju mërgata jonë për mbështetjen e fuqishme. Mbështetjen do t’ua kthejmë me shërbim e përfaqësim dinjitoz”, ka shkruar Haxhiu në Facebook, përcjell albinfo.ch.

---