Vjedh orët në Austri dhe i shet në Kosovë

Ai ka vjedhur rreth 50 orë të shtrenjta në vlerë prej 122 mijë eurosh. Policia ka bërë një bastisje në shtëpinë e të akuzuarit dhe nën shtratin e tij ka gjetur 23 orë me vlerë prej 62000 eurosh.

Një shofer 31 vjeçar kamionësh nga qyteti austriak Linz ka vjedhur së paku 100 orë të ndryshme në vlerë prej 122 mijë eurove. Ai është duke u mbajtur në arrest dhe ndërkohë ka pranuar veprën dhe ka sqaruar se mallin e vjedhur e ka shitur ose deponuar në Kosovë.

Shoferi i cili punonte për një ndërmarrje në rrethin e Linzit ka sjellë në arealin e firmës zakonisht në orët e hershme të mëngjesit ose pas përfundimit të orarit të punës kontejnerin me mall. Atë e ka vendosur në një pjesë që nuk mbikëqyret shumë, ka thyer blombat  dhe i ka mbyllur sërish me një sistem ngjitësi special dy komponentësh.

Ai ka përdorur këtë metodë së paku 17 herë, ndërsa vjedhja ra në sy vetëm pas një ankese të klientëve të ardhur nga jashtë.

Të martën policia ka bërë një bastisje në shtëpinë e të akuzuarit  dhe nën shtratin e tij ka gjetur 23 orë me vlerë prej 62000 eurosh. Ndërsa në bodrum, burri 31 vjeçar i kishte vendosur paratë nga shitja e mallit të vjedhur