Vuçiq kundër bashkimit të kufirit Kosovë-Serbi

Presidenti i Serbisë, Aleksandër Vuçiq, ka reaguar pas njoftimit se nga fundi i marsit nuk do të ketë kontrollime kufitare mes Kosovës e Shqipërisë. 

Ai në një konferencë për medie, ka thënë se shqiptarët kanë plan të heqin taksën vetëm atëherë kur ta sjellin Bashkimin Evropian para aktit të kryer.  

“Unë e kam të qartë se ata po e zhvillojnë planin e tyre. Por, në fund të muajit mars,  kur t’i fshijnë kufijtë, atëherë edhe do ta heqin taksën ndaj Serbisë Qendrore, dhe do të thonë se janë të gatshëm të bisedojnë, por nga një pozicion tjetër, nga ai i Kosovës dhe Shqipërisë së bashkuar”, ka thënë Vuçiq. 

Kryeministri Haradinaj, në ditën e nënshkrimit të marrëveshjes mes dy ministrave të brendshëm të Kosovës e Shqipërisë, pati përmendur muajin mars ose prill si kohën e mundshme për heqjen e kufirit mes dy vendeve.