Xhaka: “Duhet ta mundim Hondurasin“

"Duhet të luftojmë dhe të vrapojmë për njëri-tjetrin. Duhet ta mundim Hondurasin, dhe kjo është e tëra që mund të thuhet"

Ndeshja e dytë e Grupit në Botërorin Brazili 2014 ishte një hap prapa për zviceranët.

Duke tejkaluar zhgënjimin, skuadra zvicerane synon për të goditur objektivin e saj që të arrijë një vend në të tetën e finales së Botërorit.

Mesfushori i përfaqësueses së Zvicrës, Granit Xhaka me kompani do të rezistojnë eliminimin nga gara botërore e futbollit .

“Kemi skuadër më të mirë dhe më cilësore sesa Hondurasi dhe mendoj se e meritojmë të kalojmë tutje”, ka thënë Xhaka për FIFA.com.

Dy ndeshjet e para të Zvicrës nuk kanë shkuar krejtësisht në përputhje me planin e përzgjedhësit të Zvicrës, Ottmar Hitzfeld.

Xhaka ka lënë humbjen pas tij dhe tani është fokusuar tërësisht në takimin e ardhshëm me Hondurasin.

Mesfushori i Borussia Monchengladbach është i bindur se do të kalojnë në 1/8 e finales.

“Është sikurse një finale e Botërorit. Duhet të luftojmë dhe të vrapojmë për njëri-tjetrin. Duhet ta mundim Hondurasin, dhe kjo është e tëra që mund të thuhet”, ka shtuar ai.

Zvicra është bartëse e grupit. Skuadra zvicerane fitoi 2:1 ndaj Ekuadorit mirëpo ka përmbysur rezultatin me humbjen  5:2 nga Franca.

Zvicra avancon edhe me barazim nëse Franca e mposht Ekuadorin.

Hondurasit i duhet fitorja e kombinuar me një fitore të Francës që të ketë gjasa për të ecur tutje.

Zvicra është e pamposhtur në ndeshjet me Hondurasin.