Xhaka e Mustafi, në mesin e 11 më të shtrenjtëve

Granit Xhaka dhe Shkodran Mustafi nuk janë vetëm bashkëlojtarë në Arsenal, por janë edhe në formacionin më të shtrenjtë të verës

Gazeta spanjolle ‘As’ ka publikuar formacionin më të shtrenjtë gjatë afatit kalimtar të verës. Në mesin e tyre gjenden emrat e dy shqiptarëve, përkatësisht të Granit Xhakës dhe Shkodran Mustafit, përcjell albinfo.ch.

Futbollistët janë transferuar në skuadrën e Ligës Premier të Arsenalit gjatë këtij afati kalimtar të verës. Xhaka u transferua nga Borussia Moenchengladbach, kurse Mustafi nga Valencia. Të dy i kushtuan Arsenalit, 90 milionë euro.

Në mesin e futbollistëve janë edhe Bravo, M. Alonso, Bailly, Stones, Pogba, Jao Mario, Hulk, Higuain dhe Sane.

Vlen të theksohet se kjo 11-she kap vlerën komplete prej 600 milionë eurosh.

Kujtojmë që Xhaka ka thyer rekordin e futbollit zviceran të transferimeve, derisa u bë edhe futbollisti më i shtrenjtë shqiptar.