Xhemaili dhe Shaqiri ia sigurojnë fitoren Zvicrës

Shqiptarët edhe këtë herë ishin vendimtarë jo vetëm me lojën në fushë, por edhe me golat e shënuar. Dy gola nga Blerim Xhemajli dhe një gol nga Xherdan Shaqiri, ishin të mjaftueshëm për të përfunduar kjo ndeshje miqësore.

Në minutën e 29, Blerim Xhemaili shënon golin e parë, falë një pasimi maestral nga Xherdan Shaqiri. Ndërsa në minutën e 60 radha është për yllin Xherdan Shaqiri i cili nga distanca shënon një super gol, njofton “albinfo.ch”.

Tetë minuta më vonë, saktësisht në minutën e 68 është sërish Blerim Xhemaili ai i cili nga një gjuajtje e lirë shënon një gol tjetër të bukur për të ngritur rezultatin 3-0.

Lojë të bukur dhuruan edhe Admir Mehmedi dhe Pajtim Kasami të cilët ndonëse rrezikuan disa herë dhe goditën shtyllën, nuk arritën të shënojnë.