Xhemaili ndihmon fitoren e Napolit kundër Interit

Ai i ka hedhur topin bashkëlojtarit të tij Ezequiel Lavezzi, i cili ka shënuar golin e fitores 1 me 0

Napoli ka fituar ndeshjen kampionate kundër Interit të Milanit edhe në saje të meritës së futbollistit shqiptar Blerim Xhemailit. Ai ka ndihmuar shënimin e golit të fitores 1 me 0.

Xhemaili e ka mbajtur topin në mesfushë, duke dribluar dhe shmangur lojtarët kundërshtarë Dejan Stankovic dhe Walter Samuel. Pastaj ai i ka hedhur topin bashkëlojtarit të tij Ezequiel Lavezzi, i cili ka shënuar golin.

Me këtë fitore, Napoli për herë të parë në këtë sezon ia ka dalë të shënojë tri fitore radhazi, ndërkohë që Inter prej gjashtë javësh po pret të realizojë një fitore, duke rrezikuar kështu pjesëmarrjen në Europacup.