Zbuten rregullat për eksportimin e materialit luftarak

Me të renë ky eksport ndalohet vetëm “në vendet ku ekziston një rrezikshmëri e lartë që materialet e eksportuara të përdoren për shkeljen e të drejtave të njeriut"

Pas miratimit të një mocioni përkatës, në të ardhmen Zvicra mund të eksportojë material luftarak edhe në vendet në të cilat shkelen të drejtat e njeriut. Kjo bëhet e mundur pasi që Dhoma Nacionale e Parlametit të Zvicrës e ka miratuar të enjten, si dhomë e dytë mocionin e përmendur. Tash i mbetet vetëm Këshillit Federal që të bëjë përshtatjen në rregullimin ligjor të çështjes së materialit luftarak. 

Me ligjet ende në fuqi, Zvicra nuk ka të drejtë të eksportojë armë dhe aterial tjetër luftarak në vendet në të cilat,siç precizohet në ligj “shkelen në mënyrë sistematike dhe të rëndë të drejtat e njeriut”. Ndërsa me vendimin e miratuar sot, parlamenti planifikon që kjo të ndalohet vetëm “në vendet ku ekziston një rrezikshmëri e lartë që materialet e eksportuara të përdoren për shkeljen e të drejtave të njeriut”. Kjo nënkupton që autoritetet kompetente dhet të verifikojnë gjendjen në secilin rast të veçantë.

Kundërshtarët e kësaj zbutjeje, të cilët në parlament kanë mbetur në pakicë tërheqin vërejtjen se në këtë mënrë Zvicra po bëhet jokredibile nga aspekti i politikës paqësore dhe se po vihet në lojë nami i mirë që ka vendi në botë. Po ashu kundërshtarët pohojnë se ky veprim është problematik edhe sa i takon jetësimit të parimit të demokracisë. Në fushatën për iniciativën e para pesë viteve për ndalimin e eksportit të materialit luftarak, qeveria e vendit ishte zotuar për ashpërsimin e mëtejmë të politikës restriktive nëe eksportimin e këtyre materialeve. (sda)