Zgjedhjet lokale në Maqedoni: Diaspora mund të votojë, vetëm nëse kthehet në vend

Heshtje zgjedhore në Maqedoni, por diaspora s’ka mundësi të votojë nga jashtë

Mbrëmë në mesnatë ka hyrë në fuqi heshtja zgjedhore, e cila do të zgjasë deri në orën 19:00 të datës 19 tetor, përcjell albinfo.ch.

Pas një fushate 20-ditore, që nisi më 29 shtator, kandidatët për kryetarë komunash kanë përmbyllur paraqitjet e tyre publike dhe prezantimet e programeve para qytetarëve.

Ndërkohë, në diasporë nuk do të ketë votim. Megjithatë, qytetarët që jetojnë ose punojnë përkohësisht jashtë vendit mund të ushtrojnë të drejtën e votës nëse ndodhen në Maqedoni gjatë ditës së zgjedhjeve.

---