Lajme

Zhduket avioni që transportonte zv/presidentin e Malavit dhe 9 persona të tjerë

E hënë, 10 Qershor 2024 - 18:50 albinfo.ch
(AP Photo/Gene J. Puskar)

Një aeroplan që transportonte zëvendëspresidentin e Malavit, Saulos Chilima dhe nëntë persona të tjerë është zhdukur, thuhet në një deklaratë nga zyra e Presidentit.

Sipas mediave të huaja, që citojnë zyrën e Presidentit, avioni i Forcave të Mbrojtjes së Malavi “doli nga radari” pasi u largua nga kryeqyteti, Lilongwe, të hënën në mëngjes, raporton Euronews, përcjell Albinfo.ch.

Presidenti urdhëroi një operacion kërkimi dhe shpëtimi pasi zyrtarët e aviacionit nuk ishin në gjendje të kontaktonin avionin.

Ai duhej të ulej në Aeroportin Ndërkombëtar Mzuzu, në veri të vendit, vetëm pas orës 10:00 me orën lokale.

Pasi u informua për incidentin, presidenti i Malavisë, Lazarus Chakwera, anuloi fluturimin e tij të planifikuar për në Bahamas./Albinfo.ch/

 Të tjera nga Lajme

Shërbimet hekurudhore në Lucern janë të kufizuara ndjeshëm për shkak të një linje të dëmtuar

 E-Diaspora

 Jeta në Zvicër