Zvicër: A duhet të hiqen të moshuarit nga sigurimi shëndetësor?

Njëra nga idetë e ngritura është se disa ngjarje duhet të paguhen nga qeveria – dhe jo nga siguruesit, siç është kujdesi paliativ

Një takim i madh i politikanëve dhe profesionistëve shëndetësorë po ngre pyetjen nëse të moshuarit duhet të hiqen nga sigurimet shëndetësore të zakonshme – në një përpjekje për t`i mbajtur primet të ulëta.

Në Konferencën Latine të Shëndetit dhe Çështjeve Sociale, e cila mbulon fushat ku flitet frëngjisht dhe italisht, delegatët po i bëjnë thirrje qeverisë të analizojë përfitimet e financimit të drejtpërdrejtë për kostot e kujdesit shëndetësor për personat mbi moshën 65 vjeç, transmeton albinfo.ch.

Presidenti i Konferencës dhe një këshilltar shtetëror në Valis, Mathias Reynard, thotë se kujdesi për të moshuarit është një “realitet i parashikueshëm”. Një tjetër delegat komentoi se dy vitet e fundit të jetës mund të jenë më të shtrenjta se të gjitha shpenzimet shëndetësore të krijuara deri në atë moment.

Një ide tjetër është se disa ngjarje duhet të paguhen nga qeveria – dhe jo nga siguruesit, siç është kujdesi paliativ. Numri i njerëzve mbi 80 vjeç do të rritet me 88% deri në vitin 2040.

 

---