Zvicër: Çmimet e energjisë elektrike do të rriten më tej në vitin 2024

Rritja do të jetë rreth 12 për qind

Për sa u përket shpenzimeve fikse të familjes, viti 2024 nuk duket të jetë më i mirë se ky vit, përcjell albinfo.ch.

Pas njoftimeve se primet e sigurimeve shëndetësore do të rriten sërish, lajmi është se çmimet e energjisë elektrike, të cilat tashmë janë rritur ndjeshëm në vitin 2023, do të rriten gjithashtu.

Rritja e pritshme do të jetë rreth 12 për qind, njoftoi të martën Shoqata e Kompanive Elektrike Zvicerane.

Kjo do të thotë se një familje tipike prej katër personash do të paguajë 30 centë për kilovat orë për energjinë e saj elektrike, kundrejt 27.2 centëve të këtij viti.

Kjo rritje është kryesisht për shkak të krizës së vazhdueshme energjetike.

 

---