Zvicër: Konfiskimi i telefonave në shkolla, problematik

(KEYSTONE/Christian Beutler)

Megjithëse kantoni Vaud ka një rregull që të mos ketë telefona celularë në klasë – mësuesit thonë se dënimi i konfiskimit të tyre po bëhet shumë problematik, pasi telefoni shërben për shumë përdorime.

Disa shkolla do të marrin telefonin për 24 orë për shkeljen e parë – por koha e konfiskimit mund të jetë sa një javë për disa shkelje.

Por telefonat sot nuk janë vetëm telefona, ata janë gjithashtu karta udhëtimi të transportit publik, sisteme pagese dhe prindërit i përdorin ato për të gjurmuar fëmijët e tyre. Një tipar që ata duan dhe vlerësojnë, ndaj nuk duan që fëmijët e tyre të ndahen prej tyre, transmeton albinfo.ch.

Muajin e kaluar, një gjykatë në Fribourg mbështeti një baba, fëmijës së të cilit i ishte konfiskuar telefoni për një javë. Babai thotë se të mos komunikosh me fëmijën për një javë është e paarsyeshme.

Një gjykatës ra dakord dhe e quajti ndalimin e gjatë “të paarsyeshëm”.

Gjykata iu referua rregullave në disa kantone gjermanishtfolëse, si Cyrihu, Solothurn dhe Bazel, që thonë se telefoni mund të konfiskohet vetëm gjatë ditës së shkollës dhe për një maksimum gjysmë dite.