Zvicër: Shoferi dënohet me dy vjet pasi ka postuar video në internet

@pixabay

Një shofer është dërguar në burg për dy vjet pasi ka vozitur me shpejtësi deri në 157 km/h në Pont Butin – ai nuk ishte në gjendje ta mohonte këtë pasi videot ishin postuar në llogarinë e tij në Instagram.

Ai u kap pasi më vonë u përplas me makinën e tij në fshatin Vaud, transmeton albinfo.ch.

Gjykata dëgjoi gjithashtu se ai kishte dënime për trafikim droge dhe ishte liruar së fundmi nga burgu pas një akuze për drogë.

Në gjykatë 25-vjeçari kërkoi ndihmë. Avokati i tij mbrojtës thotë se atij i mungonte kontrolli prindëror kur ishte më i ri dhe ka përdorur drogë që në moshë të re. Gjykatësit urdhëruan një vlerësim psikiatrik.