Zviceranët ndjehen të sigurt

Zviceranët ndjehen të sigurt në një botë të pasigurt. Sot ata shohin të ardhmen e tyre edhe më të ndritshme se vitin e kaluar. Besimi është i lartë në autoritetet dhe institucionet e vendit

Në këtë konstatim vjen ETH në Cyrih me studimin e radhës të quajtur “Sicherheit”, me të cilin matet për çdo vit pulsi i qytetarëve që nga viti 1991. Tetë nga dhjetë të anketuarit (82%) besojnë në të ardhmen e tyre në Zvicër. Vetëm në vitin 2011 optimizmi ishte më i theksuar, thuhet në studimin e publikuar nga ETH-ja.

Ndjenja e përgjithshme e sigurisë së qytetarëve mbetet e pandryshuar. 89 për qind thonë se ndjehen të sigurt, ose “shumë” të sigurt në Zvicër.

Përveç sigurisë, zviceranët janë përgjigjur edhe nëse dëshirojnë që vendi i tyre t‘i bashkohet BE-së. 81 për qind e të anketuarve, më shumë se kurrë, janë deklaruar se Zvicra duhet të mbetet e pavarur ekonomikisht dhe politikisht. Praktikisht në gjithë Zvicrën (94%) janë deklaruar për këtë neutralitetit.

Mosbesimi i zviceranëve për anëtarësim në BE apo NATO mbetet në kulmin e vitit të kaluar. Për më tepër, vetëm 17 për qind e tyre dëshirojnë të mbajnë një lidhje me BE-në.

Nga ana tjetër, besimi në autoritetet dhe institucionet e vendit mbetet i fortë, pas një rritje të mprehtë të vitit të kaluar. Policia dhe gjykatat kanë rritur besimin në një shkallë prej një deri në dhjetë, me 7.6 dhe 7.1 pikë. 

Gjithashtu qëndrimi i qytetarëve ndaj ushtrisë nuk ka ndryshuar. 72 për qind e tyre besojnë në ushtrinë zvicerane, shumë pak prej tyre thonë se nuk është e nevojshme ushtria për vendin.

Studimi “Sicherheit 2013” u realizua nga Akademia Ushtarake dhe Qendra për Studime të Sigurisë në ETH Cyrih. Ajo është e bazuar në një sondazh në fillim të vitit, duke anketuar 1200 respondentë në të gjitha rajonet e Zvicrës.