Zvicra fiton 2-1 dhe siguron biletën për Brazil

Shqipëria, me këtë humbje është përshëndetur përfundimisht nga ëndrra për pjesëmarrje në Botërorin 2014

Zvicra përfundimisht siguron biletën për në Brazil, në botërorin 2014. Shqipërisë i shuhen shpresat edhe kësaj here për të bërë ndonjë befasi.

Shqipëria në këtë ndeshje ka pasur edhe periudha të mira dhe herë pas here ka befasuar skuadrën zvicerane me disa shanse të mira për gol. Por ato nuk kanë arritur të finalizoheshin dhe rezultati i ndeshjes mbetet pasqyrë reale e raportit të forcave të dy skuadrave. Marrë në përgjithësi, Zvicra ka mbizotëruar dhe fitorja e saj është plotësisht e merituar.

Shaqiri, gjatë 52 minutave sa ka luajtur dhe Xhaka e Behrami gjatë gjithë ndeshjes, kanë treguar një persormancë shumë të mirë. KJo natyrisht më shumë vlen per Shaqirin, i cili ka shënuar golin e parë. Mehmedi, i cili ka zëvendësuar Shaqirin, ka qenë mjaft aktiv  dhe ka pasur një shans të mirë për të shënuar ndërsa Xhemailin trajneri e ka aktivizuar vetëm në 3-4 minutat e fundit. Kasami, i cili është bërë pjesë e kombëtares vetëm në ditët e fundit, nuk është aktivizuar në këtë ndeshje.

Minuta 93

Përfundon ndeshja Shqipëri – Zvicër, me fitoren e Zvicrës 2 me 1.

Minuta 89

Nga loja del Seferovic dhe hyn Xhemaili.

Minuta 88:

Penallti per Shqipërinë. Salihi e shënon golin e parë për shqiptarët. 2 – 1 për Zvicrën

Minuta 78

Në një grumbullim lojtarësh të të dy ekipeve para portës shqiptare, depërton Lang dhe shënon golin e dytë për Zvicrën. Zvicra 2, Shqipëria 0.

Minuta 75

Roshi pati një shans të madh për të ndryshuar rezultatin. Fati e shpëtoi portën e Benaglios pa u qëlluar.

Minuta 70

Mehmedi pati një shans për gol nga kundërsulmi, por dështon. Po luhet një lojë e nivelizuar.

Minuta 63

Lojën e lëshon Abrashi dhe në vend të tij hyn Hyka. Të dy këta luajnë në superligën e Zvicrës: Hyka për Lucernin dhe Abrashi për GC.

Minuta 53

Nga loja del Shaqiri, në vend të tij hyn Mehmedi.

Minuta 47

Shaqiri shënon gol. Zvicra udhëheq me rezultatun 1-0 ndaj Shqipërisë në ndeshjen  kualifikuese për Botërorin 2014.

Minuta 45

Pjesa e parë përfundoi me rezuktat 0 me 0. Shaqiri, ashtu siç pritej, ishte cak i disa ndërhyrjeve të ashpra të lojtarëve të Shqipërisë. Madje ai ka pësuar lëndim serioz të këmbës dhe pritej se mund të ndërrohej nga trajneri.

Në të njëjtën kohë, Mehmedi shihej skaj fushës duke u përgatitur për lojë. Por, minuta e 45 përfundoi me të njëjtën përbërje.

Minuta 31

Një kombinim i rrezikshëm për portën shqiptare, Shaqiri – Xhaka përfundon pa gol. Xhaka pengohet në momentin e fundit.

Minuta 19

Një top i gjuajtur për mrekulli nga Shaqiri u kap nga Stocker i cili e shutoi atë drejt në portën e Berishës. Shans i jashtëzakonshëm por rezultati mbetet i barabartë, pasi që e ndaloi porta.

Minuta 7

Rama pati një shans për të shënuar por topi përfundon në duart e portierit zviceran

Ndeshja Shqipëri – Zvicër ka filluar në orën 20.30 në stadiumin  jo plotësisht të mbushur “Qemal Stafa”. Loja ka filluar në jë atmosferë të qetë dhe pa ndonjë elektrizim të situatës siç mund të pritej ose siç kishte druajtje nga zviceranët.

Ndeshja është duke u luajtur e balancuar dhe të dyja skuadrat kanë pasur disa sulme jo të parrezikshme në portat respektive.

Formacionet e dy skuadrave janë:

Shqipëria: Berisha, Lila, Cana, Agolli, Bulku, Mavraj, Gashi, Abrashi, Salihi, Kace, Rama.

Zvicra: Benaglio; Lang, Schär, Von Bergen, Rodriguez; Behrami, Inler; Shaqiri, Xhaka, Stocker; Seferovic.

 

---