Lajme
Zvicra me 40 milionë turistë në vit, rekord absolut për vendin alpin
Për herë të parë “mbi 40 milionë vizitorë mund të numërohen në hotele”, shpjegoi drejtori Martin Nydegger

Po afrohet fundi i një viti rekord absolut për turizmin, këtë e ka deklaruar drejtori i turizmit në Zvicër, Martin Nydegger, në një intervistë të publikuar të shtunën nga e përjavshmja gjermane “Schweiz am Wochenende”, transmeton albinfo.ch.
Nydegger, sipas të cilit biznesi në male ka lulëzuar që nga koronavirusi, tha se “për herë të parë në historinë e turizmit zviceran, këtë vit mund të numërojmë mbi 40 milionë turistë në hotele”.
Rezultatet e shkëlqyera të arritura gjatë këtij viti janë rezultat i një bashkëpunimi të mirë mes të gjithë aktorëve në sektorin e turizmit. “Ne mund të jemi krenarë për këtë, sepse vetëm dy vjet më parë virusi na kishte fort në kontrollin e tij dhe askush nuk do ta mendonte se viti 2023 do të sillte një rekord. Ne kurrë nuk mbyllëm zyra, nuk anuluam fushata”, vazhdoi Nydegger, duke nënvizuar se si qëndrueshmëria ka qenë një nga pikat e forta të turizmit, e cila na ka lejuar të kapërcejmë me sukses pandeminë. Pas koronavirusit, zviceranët, ende të rëndësishëm për turizmin zviceran, kanë rizbuluar vendin e tyre dhe tani dëshira e tyre për të udhëtuar do të rritet sërish, transmeton tutje albinfo.ch.
Tregjet e largëta ndoshta do të arrijnë një kufi të natyrshëm. Gjithsesi, kjo kategori mysafirësh është shumë e rëndësishme, sepse po të mos ishin aty hotelet, nuk do të shfrytëzoheshin plotësisht. Klientët e këtij lloji janë shumë të rëndësishëm, sepse ata rezervojnë shumë më herët dhe mbërrijnë në çdo mot dhe në çdo stinë. Në nivel global, Zvicra ende perceptohet si një destinacion i sigurt dhe i besueshëm udhëtimi.
Të ngjashme
Të tjera nga Lajme
E-Diaspora
-
Hobi i veçantë i Egzonit që po mirëpritet në rrjetet sociale Egzoni (29) nga Aargau jeton me distrofi muskulare – një sëmundje që vazhdimisht i dobëson muskujt....
-
Në Vjenë festohet 17-të vjetori i Pavarësisë së Kosovës
-
Shqiptarja nga Kosova, inxhiniere softuerike në “NETFLIX”
-
Vjenë: Një recital i shkëlqyeshëm me piano nga Kosti Deti
-
Albania School “Pjetër Budi” në Liverpool organizon koncert festiv për festën e Pavarësisë së Kosovës
Jeta në Zvicër
-
Nga një marsi në Zvicër do hyjnë në qarkullim veturat pa shofer Automjetet e automatizuara, të cilat kontrollohen nga softueri dhe jo nga drejtuesit fizikë, u është dhënë...
-
Pse kaq pak britanikë po marrin leje pune në Zvicër?
-
Banorët kthehen për dy orë në Brienz: Duket si vend fantazmë
-
Si i vonojnë avokatët projektet e ndërtimit pavarësisht mungesës së banesave
-
Sulmet në ATM: “Është vetëm çështje kohe kur do të ketë viktima”