Zvicra më së shumti investon për hekurudhat

Zvicra investon 500 € për kokë banori në vit në hekurudha, duke zënë kreun e listës së vendeve evropiane për nga investimet në këtë sektor, tregon hulumtimi i Boston Consulting Group për modelet e subvencionimit të hekurudhave në Evropë.

Me një mesatare prej 220 euro për kokë banori që i ndan nga buxheti, Franca është njëra ndër vendet me subvencione më të mëdha në sistemin hekurudhor, shkruan e përditshmja franceze “Le Figaro”.

Dy vendet kanë tejkaluar Britaninë e Madhe apo Holandën, të cilat për çdo vit për këtë qëllim shpenzojnë rreth 130 € për kokë banori, ndërsa Portugalia dhe Polonia japin vetëm rreth 100 euro në kokë banori, thuhet në këtë studim të Boston Consulting Group për performancat e sistemit hekurudhor të kontinentit të vjetër.

Në studimin më të ri Boston Consulting Group synon të nxjerrë në pah lidhjen mes sasisë së fondeve buxhetore të alokuara nga shtetet për operatorët e rrjetit hekurudhor dhe performancën e tyre.