Zvicra, në prag të referendumit kundër qirave shumë të larta

(KEYSTONE/Gaetan Bally)

Në mbledhjen e saj të përgjithshme, Shoqata Zvicerane e Qiramarrësve (ASLOCA) njoftoi se po planifikon të çojë çështjen e qirave shumë të larta në kutinë e votimit, përcjell albinfo.ch.

“Ne jemi të shqetësuar nga shpërthimi i qirave dhe tarifave. Ne po përballemi me një krizë sociale”, tha presidenti i ASLOCA, Carlo Sommaruga.

Deklarata u bë në funksion të dy rritjeve të normave të referencës të shpallura këtë muaj – një nga Administrata Federale e Strehimit dhe tjetra nga Banka Kombëtare Zvicerane. Norma, e cila tani qëndron në 1.75 për qind, përdoret për përcaktimin e qirave.

“Në vitet e ardhshme, qiratë mund të rriten deri në 20 për qind”, shtoi ASLOCA. Është koha për të ndaluar këtë spirale”.