Zvicra nuk ka plane për kontrolle të rrepta në kufirin me Italinë

(KEYSTONE/Ti-Presss/Alessandro Crinari)

Zvicra aktualisht nuk dëshiron të vendosë kontrolle të rrepta në kufirin me Italinë, tha këshilltarja federale, Elisabeth Baume-Schneider, të enjten në margjinat e takimit të ministrave të brendshëm të BE-së në Luksemburg, përcjell albinfo.ch.

Në përgjigje të numrit të lartë të refugjatëve dhe emigrantëve, Gjermania njoftoi të hënën se do të vendosë kontrolle kufitare me Zvicrën.

Baume-Schneider, e cila drejton Departamentin e drejtësisë, ka treguar se e ka kuptuar vendimin e Gjermanisë pas një aksidenti fatal të ndodhur së fundmi. Ajo po aludonte për një incident në Gjermaninë juglindore, ku një automjet i dyshuar për kontrabandë u përplas duke ikur nga policia javën e kaluar. Shtatë persona u vranë.

Zvicra nuk dëshiron të vendosë kontrolle të rrepta kufitare me Italinë. Tashmë ka rritur numrin e personelit në trupat e rojave kufitare. Aktualisht janë të mjaftueshme kontrolle më selektive, tha ministri i qeverisë.

Shumë rajone zvicerane në kufi, si kantonet Ticino dhe Basel, kanë lidhje të ngushta ekonomike me fqinjët.