Zvicra, para bisedimeve të vështira për migracionin me BE-në

KEYSTONE

Brukseli është duke u përgatitur për të bindur Zvicrën se ka për të humbur qasjen në tregun e vetëm evropian, nëse realizohen planet për të kufizuar lëvizjen e lirë të qytetarëve të shteteve anëtare të BE-së, shkruan “The Guardian”.

Negociatat ndërmjet Brukselit dhe Bernës hyjnë në vitin e dytë dhe ndoshta në javët e ardhshme do të arrijnë një zgjidhje, tha “Guardian”, përcjell albinfo.ch.

Problemet këtu janë të njëjta, që rezultojnë me daljen e Britanisë nga BE-ja – në të cilën masë Londra do të duhet të lejojë lëvizjen e lirë të shtetasve të shteteve anëtare për të ruajtur qasjen në tregun e vetëm evropian.

Zvicra do të arrijë një marrëveshje sa më shpejt të jetë e mundur që të ketë kohë për të përgatitur legjislacionin e nevojshëm. Afati i fundit është shkurti 2017, pas referendumit të vitit 2014, kur zviceranët votuan për kufizimin e migracionit nga BE-ja.

Ish-lideri i liberalëve radikalë, Philip Miller, tha të dielën se kërcënimi nga “Bregxit” duhet të shërbejë si paralajmërim për zviceranët në sfond të negociatave mes Brukselit dhe Londrës dhe do të jetë i detyruar nga kufizimi i migracionit.

Sipas Miller, mund të detyrohen zviceranët për të nxjerrë në mënyrë të njëanshme një vendim, sipas të cilit migrimi mund të kontrollohet në sektorë të caktuar të ekonomisë, në qoftë se Brukseli është dakord për në ato zona ku papunësia është mbi mesataren. Politikani ka pranuar se aktualisht BE-ja dhe Zvicra nuk gjejnë gjuhë të përbashkët.

Berna ka propozuar një variant kompromisi që parashikon mundësinë që të jetë në gjendje të vendosë kuota për emigrantët, kur papunësia në një sektor të caktuar ekonomik apo rajon të vendit do të arrijë nivelet e mësipërme të mesatares për Zvicrën. Këtë mund të ndjekë një komision i përbashkët i Zvicrës dhe BE-së.

Nuk dihet nëse ky propozim do të kalojë në Bruksel, i cili mbështet më shumë ruajtjen e lirisë së lëvizjes. Disa politikanë në Zvicër kërkojnë një referendum të ri për migracionin.

Qasja e Zvicrës në tregjet evropiane dhe botërore është shumë e varur nga BE-ja, e cila e vë vendin në pozitë të pavolitshme për negociata. Mungesa e një zgjidhjeje për çështjen e emigrantëve kërcënon qindra marrëveshje bilaterale ndërmjet Bernës dhe Brukselit dhe krijon rrezikun e sanksioneve.

Negociatat do të duhej të rifillonin javën e kaluar, por u shtynë pas jehonës së një referendumi në Britani. Presidenti i Parlamentit Evropian (PE), Martin Schulz, ka sqaruar se “në dritën e negociatave për Bregxit dhe  “lëvizja e lirë e njerëzve” tashmë duhet të luajë një rol më të madh.

56% e eksporteve të Zvicrës shkojnë për BE-në.