Dy motra shqiptare përplasen me jurinë e “DSDS”

Talent show “Deutschland sucht den Superstar” nuk ka filluar për së mbari sezonin e ri.

Protagonistë të natës së parë u bënë dy motra shqiptare, të cilat lanë shije të hidhur në këtë spektakël. Në mungesë talenti për vallëzim, motrat Xheneta dhe Tereza Zeneli u konfrontuan me jurinë, madje anëtaren e jurisë, Mandy Capristo, e bën edhe të qajë.

Me të hyrë në skenë, dy vajzat me prejardhje nga Kosova që jetojnë në Gjermani kishin vetëbesim të madh, ndoshta edhe të tepruar. Në pyetjen e njërit nga anëtarët e jurisë se më çfarë note e vlerësoni veten nga 1- 10 për këndim dhe vallëzim, ato vlerësuan aftësitë e tyre vokale me notën 8-9, kurse për vallëzim thanë se meritojnë notën 10.

Motrat kishin zgjedhur këngën e Ardian Bujupit

“Boom Rakatak”, ku së pari vendosen të tregojnë talentin e tyre në vallëzim. Por, vallëzimin që e bën nuk i bindi jurinë, madje pop titani Dieter Bohlen ishte shumë i ashpër ndaj tyre sa që ua tregoi derën e daljes. Pas këtij ballafaqimi, Mandy (ish e dashura e Mësyt Ozil), shkon prapa skenës për t’i qetësuar vajzat, mirëpo ato gjithë zemërimin e shprehin në të. “Ne kemi udhëtuar tri orë për të ardhur deri këtu dhe pritëm 7 orë për t’u prezantuar. Që nga fillimi këtu ishte vetëm mashtrim”, tha  njëra nga motrat, teksa iu drejtua anëtares së jurisë, Mandy Capristo: “Ti je aq e zgjuar sa të diskutosh më mua? Unë jam e diplomuar, vijoj studimet, ndërsa ti je veç një ****”, i thotë Tereza.

Paraqitja e dy motrave Zeneli nuk është pritur mirë as nga lexuesit, të cilët kanë reaguar ashpër me komentet e tyre në rrjetet sociale ndaj dy vajzave.

Shikoni: Video