Gruaja
Filmi me protagonisten shqiptare, merr çmimin e publikut
Shqiptarja 21 vjeçe, Nazlija, pas vdekjes së nënës vjen te babai në Zvicër. Ajo bën pjesë në klasën integruese, të cilën regjisorja Thommen e ka përcjellë për dy vite
Filmi dokumentar “Neuland” i regjisores së re Anna Thommen ka marrë çmimin e publikut në Festivalin e 49-të të filmit në Solothurn. Filmi bën fjalë për një klasë në Bazel për integrimin e nxënësve të ardhur nga jashtë dhe, njëra ndër dy protagonistët e filmit është shqiptarja nga Lugina e Preshevës, Nazlija.
Ky është çmimi dytë me radhë që regjisorja Thommen po e merr brenda pak muajve me filmin e saj që ka qenë temë diplome në Shkollën e Lartë të arteve në Cyrih.
“Solothurnerr Filmtage” është festivali më i madh dhe më përfaqësues i filmit në Zvicër
Syzheu i filmit është me pak fjalë ky: z. Zing është një mësues i angazhuar dhe që e ka marrë shumë seriozisht punën për integrimin e të rinjve të klasës së tij integruese. Ai i mëson dhe i përcjell hap pas hapi të rinjtë duke i përgatitur për jetën në rrethin e tyre të ri.
Shqiptarja 21 vjeçe, Nazlije Aliji, pas vdekjes së nënës vjen te babai në Zvicër. Pakistanezi Ehsnaullah dhe Nazlija takohen në Bazel në klasën e integrimit, te mësuesi z. Zingg.
Bashkë me emigrantët tjerë ata do të duhej që brenda dy viteve të mësonin gjuhën dhe kulturën zvicerane. Se në Zvicër ka rregulla strikte, atyre do t`u bëhet e qartë që në ditën e parë.
Megjithatë nxënësit e adhurojnë mësuesin e tyre. Ai duket të jetë i vetmi që angazhohet për ta.
Filmi “Neuland” kundërshton paragjykimin se të gjithë migrantët e rinj janë kriminelë dhe sorollaten rrugëve pa punë me rrobat e tyre sportive. Megjithatë mbetet pyetja torturuese: A kanë këta të rinj një të ardhme në Zvicër? Filmi nuk mund të jape përgjigje. Por është e qartë se shumë nga ëndrrat dështojnë dhe jo çdonjëri do të ketë sukses në jetën e mëvetësishme profesionale, shkruan srf.ch.
Festivali i 49-të i filmit “Solothurner Filmtage” ka mbyllur perdet e tij të enjten. Ai është vizituar nga 65000 shikues. Në këtë festival edhe çmimi i jurisë “Prix de Soleure” i është ndarë një filmi dokumentar. Fjala është për filmin “L`escale” të regjisorit Kaveh Baktiari. Edhe ky film bën fjalë për jetën e migrantëve.
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor